06 noviembre 2014

Voltando a opinión

Recupero o formato de blog de opinión porque mo pide o corpo, coa proximidade das municipais parece que a todos lles entra a présa por facer ver que fan; os medios nunca falaron tanto de primarias como o están facendo... e mira que van alá eleccións; no editorial do Lindeiros de Novembro falo algo diso

Os tempos están cambiando

Que vivimos un momento de profundo cambio social é algo que non se pode negar, non se trata só da política porque parece que os xuíces espertasen dun longo letargo e a mocidade decidise deixar atrás a confortable cadeira de brazos de casa de papá; é a sociedade no seu conxunto a que camiña cara a un novo tempo que virá marcado polas seguintes eleccións nas decidir quen ten que xestionar eses cambios.

Si escoitamos con atención poderemos ouvir como renxen as estruturas dos partidos como o monstro xigante que se cambalea antes de caer; é un son que xorde da resistencia a deixar atrás unha forma de facer política propia do despotismo ilustrado, a resistencia a abrir os partidos o pobo.

Non fai moito Compromiso X Galicia celebraba unhas primarias en Santiago ás que calquera persoa disposta a asinar un pequeno manifesto, e a pagar 2 euros para gastos, podía presentarse e non se lle preguntaba de onde viña nin cal era o seu pasado; sen entrar a valorar o resultado é evidente que procesos como este deixan en evidencia a outros como os que segue o Psoe para elixir o seu secretario provincial; se un pode entender que sexa unha votación para afiliados, ao ser un cargo orgánico, é menos comprensible que se esixan 800 avais para poder participar, ten menos dereito a presentarse un ao que só apoian 3? pero os candidatos tamén merecen unha reflexión. Na comarca de Santiago, onde se edita Lindeiros, presentase Manuel Mirás alcalde de Oroso, ao que os seus opoñentes lle lembran que accedeu ao cargo grazas a unha moción de censura, pasados uns anos é fácil pescudar se aquel episodio mereceu a pena para o partido e para os veciños. O outro candidato próximo é Jano Leis que mentres fala de consenso e refundación do partido parece esquecer os bochornosos expedientes abertos a militantes da súa agrupación, a marcha da súa lista de concelleiros encomiados no pasado por el mesmo, e uns resultados que o levaron de ter 4 concelleiros a 1 só. Os militantes deberán decidir se o pasado debe influír no futuro pero se algunha análise merece para min esta situación é que o Psoe, como partido centenario, segue estando pechado aos novos tempos cando os que se senten con ganas de seguir son os que xa están aí e algún facéndoo moi mal, deberían revisar o significado de renovación.

PP, Esquerda Unida ou o BNG teñen a oportunidade de demostrar que si queren cambiar o mesmo tempo que a sociedade; non é bo que os grandes partidos non cambien porque eles teñen a experiencia, do mal ou o ben que están os concellos eles saben máis que ninguén e esa experiencia é necesaria, tal vez desde a oposición, iso decidirano os veciños, pero sen dúbida necesaria.